Schwäbische Logik

- Du Hugo, heramol, do stoht: 'wenn es regnet, wird die Straße nass.' Vom Hempel...
- Ha, des isch doch klar, dass es nass wird, was denn sonschd!

- Aber des stemmt doch gar net! Wenn i amol muass on koin Busch fend... dann wirds au nass uff dr Stroß!

- Dehalb wirds abr drotzdem nass, wenn's rägnet!

- Ha, scho, aber net bloss dann...

- Also miast mr doch sage: nass wird die Stroß, wenn's regnet, odr wenn dr Erwin koi Hecka gfonda hot! On ausserdem... ondr meim alte Käfr wird's au net nass, wenn's regnet!

- Na, do wär i mir net so sicher. Der isch beschtimmt bald so durchgroschded, dass es grad vom Dach aus nonderrägnet!

- Drotzdem hält mei Heilix Blechle die Stroß schee drocka!

- Aber au bloss a bissle. So viel kosch du doch gar net durch die Gegend kutschiere, dass älle Stroße drocka bleibet... also stemmt's doch mit dem Spruch. Wenn's rägert, wird's halt nass uff dr Stroß.

- Aber net ieberall!

- Ha logisch. Bloss do, wo's net drocka bleibt. On nass wird's au do, wo onier sei Konfirmandebläsle net halte ko.

- So, des isch also Logik!