Besenwirtschaft in Lybien

Was schreibt'r denn, dr Erwin? Neugierig war se jo gar net, die Lotte.
Der isch en Lybien! Hot dr Hugo dann gsagt. On wollt do a Bäsewirtschaft uffmache! Des hennse aber net genehmigt... Ui, regt der sich uff! Wo's doch so hoiß isch do onde... Also bitte, hoddr dann en seim Andrag gschrieba: wenn Ihr Lybies eich aufregat, dass dia Schweizer koine Minarette baue wellat, dann muss i au a Bäsewirtschaft uffmache dürfe!

Abr, Lotte, i glaub ned, dass die kabieret, was dr Erwin do damit sage will...
Na, dann kennat dia froh sei, dass dr Erwin koin Bayer isch, hot dia Lotte dann gsagt. Dann däd'r bestimmt zom Heiliga Bembel uffruafa!

*

Schwobarock: Schwoißfuaß

Dees ghert au zur Allgemeinbildong en punkto 'Schwäbisch'. Äbbes ieber Schwobarock z'wissa.
Für Sonstige... hier geht es um das soziale Problem der Benachteiligung, die sich nicht nur in der Jugendszene, sondern auch bei sportlichen Anlässen in stets neuen Gewändern aber mit demselben Grundprinzip zeigt. Wo es Gewinner gibt, gibt es auch Verlierer. Wer Schwein hat, bekommt ein Medaillon, bereits eine Hundertstelsekunde später... bleibt nur das Dabeigewesensein.

Die Welt ist einfach nicht gerecht.

Dr Günter... a Schand firs Schwobaländle?

Do henn se sich also widr droffa, dr Eugen on dr Hugo. "Jetzat solle mr au no Englisch lerna, moint der Günter. Ha dees isch oiner. Der kos jo selber net!" - So hot dr Eugen ogfanga. "Ha deshalb hennsen jo au noch Brissel gschickt!", hot der Hugo dann gsagt. "Aha, jo, kennt scho sei", hot dr Eugen gmoint. "Aber sag emol, welche Heggebeerlesbronser henn dem Günter aigentlich dia domme Zeddel gschrieba?" - "Des waret seine schlaue Berater, die älle sälber koi Englisch kennat." Jo, dr Hugo woiß Bscheid. "Dia folgat dem Motto 'mir kennet älles, bloss koi Hochdeitsch'. On Englisch schomol gar net."
"We are all sitting in one boat... was hoißt denn dees?", hot der Eugen gfrogt. "Mir sitzat älle im gleicha Kahn." - "Ach, der Olli..." - 'Noi, der doch net. Bootle...". "On i han emmer dengt, 'bottle' hoißt soviel wia 'Fläschle'." - "Do kosch Recht han, Eugen, do waret scho a baar Fläschle onderwägs..." - "Beim Lothar hätts des net gäbba...", hot der Eugen dann sagt."Matthäus?" - "Noi, ach egal. Scho z'schpäth..." - Mr kennt scho moina, em Schwobaländle gilt dr Schbruch: 'gugge rom, gugge nom, laudr Domme omme rom'. Aber des stemmt natirlich net. There are you mighty on the woodway! Abr vielleicht schwätzt dr nägschde Kommissar jo au Latein. Errare humanum ätsch. Friher hättet se gsagt: Kohl lucet omnibus. Abr wona dees heit fiart... des werdet älle schono merkla...